Projektim dhe inxhinieri

Ekspertizë inxhinierike për projekte të suksesshme

Që një projekt të finalizohet me sukses, shumë e rëndësishme është analiza teknike që mbështetet në një përvojë shumëvjeçare inxhinierike. Për ClimaExperts, projektimi është një fazë vendimtare, pasi ndikon drejtpërdrejt në performancën, efikasitetin dhe jetëgjatësinë e zgjidhjes së instaluar.

Qasja jonë e personalizuar në projektim

Çdo projekt nis me një vlerësim të plotë të objektit, duke marrë parasysh strukturën, kërkesat klimatike dhe specifikimet arkitekturore. Më pas, përzgjidhen pajisjet më të përshtatshme të markës Carrier, duke ndjekur standardet ndërkombëtare të eficiencës dhe sigurisë.

Elementët kyç të procesit përfshijnë:

• dimensionim të saktë të kapaciteteve termike,
• përzgjedhje teknike të pajisjeve HVAC,
• skemë instalimi të rrjetit frigoriferik dhe kanaleve të ajrit,
• llogaritje energjetike për optimizim të konsumit.

Bashkëpunim dhe dokumentacion i plotë teknik

Çdo zgjidhje shoqërohet me dokumentacion teknik të plotë, përfshirë vizatime, specifikime dhe udhëzime për instalim dhe mirëmbajtje. Gjatë gjithë procesit, inxhinierët tanë bashkëpunojnë ngushtë me projektues, arkitektë dhe kontraktorë të tjerë për të siguruar një integrim të plotë teknik dhe funksional me objektin përkatës.